HAPPY BIRTHDAY

隨着汶汶病癒之後，跟住輪到爸爸真的病了，胃痛了整個星期，整個週末週日都瞓係床度，有兩場波都踢唔到。
2月17日是汶汶的三歲生日，早兩年生日都係患病中渡過，今年終於可以健健康康的慶祝。汶汶最近至愛THOMAS，買來了THOMAS蛋糕。

 切完蛋糕就是收生日禮物的時間，由於爸爸比壽星女更緊張，買下一份，買下又一份，共買了三份生日禮物之多。

 三歲生日就收三份禮物，如此類推就大件事。

 一味貪大份的汶汶，對兩份較細的砌圖完全無興趣，立即放埋一邊。

 拆到最大份的THOMAS時才興奮，

滿載而歸下渡過了三歲生日。HAPPY BIRTHDAY！ JASMINE WONG

汶汶病了 爸爸也病了

趁明天要開工之前，爸爸珍惜機會，親自接送汶汶返學及放學。過程中汶汶顯得非常高興，而且不斷唱「崖上的波兒」首歌，成日ポーニョ、ポーニョ、さかなの子………

 放學時都仲好精靈，不過老師話佢坐唔定，

 點知下晝開始不斷嘔及唔肯食嘢，只肯飲水但飲完又不斷嘔，成個無晒精神。即刻帶去睇醫生，話係腸胃炎，希望飲左藥可以止嘔。汶汶成晚係度發脾氣，唔肯飲奶，呆滯地坐在沙發上睇Barney同Noddy，睇見汶汶咁辛苦就好唔開心，希望佢快些康復。

 除了汶汶病了之外，爸爸也病了。因為明天就放完年假要返學，當然爸爸都係發病之中，「日遊渴望症」及「上學恐懼症」一直困擾著我，不知何時可以根治。

我夠膽玩鱷魚啦

自從汶汶收到份THOMAS聖誕禮物後，經常話要玩THOMAS，所以媽咪買左件衫俾她。

 至於爸爸買的那份聖誕禮物鱷魚咬手指玩具，就一直都唔夠膽玩，爸爸只好用來嚇她罷了。但最近膽小的汶汶開始夠膽嘗試，雖然玩的時候仍然好驚，最少夠膽試按一兩隻牙齒。

 讚佢兩句後就成日認叻，經常撩爸爸玩鱷魚。趁明天要再返學之前，媽咪帶她到市中心。